Лінкі ўнівэрсальнага доступу

Уладзімеру Асіпенку скарацілі пакараньне на 1 год


Уладзімер Асіпенка

Уладзімер Асіпенка

Вязень Івацэвіцкай калёніі Уладзімер Асіпенка выйдзе на волю на год раней.

«Тата трапіў пад амністыю, але не пад вызваленьне цалкам, а толькі пад скарачэньне пакараньня на адзін год. Такім чынам, калі ўсё будзе добра, і да яго ўжывуць правіла пра ўмоўна-датэрміновае вызваленьне, разьлічваем, што ён выйдзе на волю ў канцы году ці на пачатку наступнага», — паведаміла «Свабодзе» дачка вязьня Людміла Асіпенка.

Былы вайсковец з Ваўкавыску Уладзімер Асіпенка праходзіў па адной справе зь Мікалаем Аўтуховічам. Асіпенку, як і Аўтуховіча, абвінавачвалі ў падрыхтоўцы тэрактаў супраць высокапастаўленых чыноўнікаў, але ў судзе гэта пацьверджаньня не знайшло. Уладзімер Асіпенка, аднак, быў прызнаны судом вінаватым у незаконных дзеяньнях са зброяй і атрымаў тры гады зьняволеньня. Сваёй віны былы вайсковец не прызнаў і казаў, што зь ім паквіталіся за антыкарупцыйную дзейнасьці і салідарнасьць з Аўтуховічам. За кратамі Ўладзімер Асіпенка знаходзіцца з 8 лютага 2009 году.
XS
SM
MD
LG