Лінкі ўнівэрсальнага доступу

Прэзыдэнт Эстоніі Томас Хендрык Ільвес увечары 30 жніўня падпісаў указ аб прызначэньні паслом у Беларусі Яака Ленсмэнта, паведамілі БелаПАН у адміністрацыі кіраўніка эстонскай дзяржавы.

Паводле зьвестак МЗС Эстоніі, Яак Ленсмэнт нарадзіўся ў 1966 годзе. Скончыў Беларускі дзяржаўны унівэрсытэт па спэцыяльнасьці «Філязофія». На дыпслужбе з 1993 году. У розныя гады займаў пасады ў дыппрадстаўніцтвах Эстоніі ў Кіеве, Маскве, Гаазе, Вене. Ленсмэнт жанаты, у яго дарослая дачка. Валодае расейскай, нямецкай і ангельскай мовамі.

Ленсмэнт стане першым эстонскім паслом, які будзе пастаянна знаходзіцца на тэрыторыі Беларусі. Дагэтуль кіраўнік дыппрадстаўніцтва наведваў краіну час ад часу.

Пасольства Эстоніі ў Менску, адкрытае ў верасьні 2009 году, раней узначальваў часовы павераны Хары Лахтэйн. За тыдзень да заканчэньня сваіх паўнамоцтваў, 24 жніўня, ён падаў у адстаўку ў сувязі з абвінавачаньнямі ў сэксуальных дамаганьнях. У электронным лісьце, накіраваным замежным дыпляматам Эстоніі, Лахтэйн заявіў, што скандал, які ўзьняўся вакол яго, зьяўляецца накіраванай супраць яго правакацыяй, якую можна разглядаць як выпад супраць усяго эстонскага дыпляматычнага корпусу.
XS
SM
MD
LG