Лінкі ўнівэрсальнага доступу

Бліц-агляд падзеяў і тэмаў у Беларусі, сьвеце, гісторыі.

НАВАЛЬНІЦЫ...


...і шквалістыя вятры. Тэмпэратура: 14-17 С.

НЕ ПРАХОДЗЬЦЕ МІМА:


28 жніўня

У вёсцы Моталь Іванаўскага раёну Берасьцейскай вобласьці кулінарны фэстываль "Мотальскія прысмакі".

28-29 жніўня

У Палацы мастацтва міжнародны фэстываль артпэрформансу "Navinki".

У Нацыянальным выставачным цэнтры "БелЭкспа" (Менск, пр. Пераможцаў, 14) міжнародная выстава сабакаў.

ТАМ ДЗЕ НАС НЯМА:


29 жніўня

Арганізацыя ісламскай канфэрэнцыі сустракаецца ў Ісламабадзе, каб абмеркаваць дапамогу пацярпелым ад паводкі ў Пакістане.

ТАКСАМА Ў ГЭТЫ ДЗЕНЬ:


28 жніўня

У 1925 нарадзіўся Аркадзій Стругацкі (пам. 1991), сусьветна вядомы расейскі пісьменьнік-фантаст (пісаў у суаўтарстве з братам, Барысам Стругацкім).

У 1936 нарадзіўся беларускі паэт Генадзь Бураўкін.

29 жніўня

У 1915 нарадзілася Інгрыд Бэргман, фільмовая акторка швэдзкага паходжаньня (пам. 1982).

У 1920 нарадзіўся амэрыканскі саксафаніст Чарлі Паркер, адзін з бацькоў сучаснага джазу (пам. 1955).

У 1949 на Семіпалатынскім палігоне ў Казахстане адбылося першае выпрабаваньне савецкай атамнай бомбы. У гэты самы дзень у 1991 Семіпалатынскі палігон быў закрыты.

У 1958 нарадзіўся амэрыканскі сьпявак Майкл Джэксан, ікона сусьветнай масавай культуры 1980-х і 1990-х (пам. 2009).

ЁСЬЦЬ НАГОДА:


29 жніўня — Дзень шахцёра.

МІНУС 365:


Год таму на сайце Свабоды: "Арцёма Дубскага адправілі па этапе".

ЦЫТАТЫ НА ПАМЯЦЬ:


"Панядзелак пачынаецца ў суботу" — загаловак аповесьці братоў Аркадзія і Барыса Стругацкіх з 1965 году.

"Адышлі ў нябыт панэгірыкі
Сьціплым вінцікам, сьпешнай сяўбе.
Людзям хочацца шчырай лірыкі
Не пра вінцікаў, пра сябе".

Генадзь Бураўкін
XS
SM
MD
LG