Францыя сёньня адказала на міжнародную крытыку масавых дэпартацыяў цыганоў, адзначыўшы, што краіна "няўхільна выконвае эўрапейскае права". Французскі ўрад выдаў адпаведную заяву пасьля таго, як камітэт Арганізацыі Аб'яднаных Нацый па барацьбе з расізмам сёньня заклікаў Францыю "пазьбягаць" калектыўных дэпартацыяў цыганоў і выказаў занепакоенасьць "палітычнымі прамовамі, што нясуць дыскрымінацыйны характар". Ватыкан таксама далучыліся да крытыкі, заявіўшы, што "нельга абагульняць і на гэтай падставе дэпартаваць цэлыя групы людзей". Агулам сёлета з Францыі былі дэпартаваныя 8300 румынскіх і баўгарскіх цыганоў, у 2009 гэтая лічба склала 7875 чалавек.