"Ужо гатовая каштарысная дакумэнтацыя, спачатку будзе будавацца рэспубліканскі турэмны шпіталь", — паведаміў начальнік аддзелу ў справе нагляду за выкананьнем крымінальнага пакараньня Генэральнай пракуратуры Беларусі Юры Гарошка.
Гарошка заявіў, што рашэньне перанесьці СІЗА №1 за межы Менску тлумачыцца тым, што турма знаходзіцца ў будынку былога Пішчалаўскага замка, вежа якога некалькі гадоў таму абрынулася.
"Зараз тут ніхто не ўтрымліваецца, раней у гэтай вежы было некалькі камэраў, у тым ліку тут утрымліваліся асуджаныя да сьмяротнага пакараньня", — паведаміў прадстаўнік пракуратуры.