Лінкі ўнівэрсальнага доступу

logo-print

Аўганцы пратэстуюць ля базаў НАТО


Сотні мясцовых жыхароў сабраліся сёньня на стыхійны мітынг ля брамы базы НАТО на захадзе Аўганістану. Яны закідвалі вайскоўцаў камянямі на знак пратэсту супраць гібелі аўганскага паліцэйскага, які, паводле некаторых паведамленьняў, быў забіты ў сутычцы з гішпанскімі жаўнерамі. Мясцовыя ўлады са спасылкай на папярэднія вынікі сьледзтва заяўляюць, што забіты мог быць зьвязаны з талібамі.

Аналягічная акцыя пратэсту супраць дзеяньняў замежных вайскоўцаў у панядзелак 23 жніўня адбылася побач з авіябазай у правінцыі Баграм. Супрацоўнікі аховы былі вымушаны адкрыць папераджальны агонь. Акцыя адбывалася пасьля арышту рэлігійнага лідэра, падазраванага ў ракетным абстрэле.
XS
SM
MD
LG