Афіцыйна паведамляецца, што пяць падазраваных баявікоў былі забітыя ў перастрэлцы з міліцыянтамі ў Дагестане. Міністэрства ўнутраных справаў гэтай аўтаномнай рэспублікі Расеі паведаміла, што ўзброеныя мужчыны адкрылі агонь па міліцыянтах, калі тыя спынілі іхні аўтамабіль на кантрольна-прапускным пункце для праверкі дакумэнтаў. Інцыдэнт адбыўся ў горадзе Хасав'юрт, што недалёка ад Чачэніі, увечары ў аўторак.
Міліцыянты не пацярпелі.