Лінкі ўнівэрсальнага доступу

Патэнцыйны кандыдат у прэзыдэнты Віталь Рымашэўскі завяршае свой візыт на Берасьцейшчыну, дзе праводзіць сустрэчы з сябрамі БХД.

23 жніўня адбудзецца сустрэча з кандыдатам у Баранавічах.

Сустрэчы ў Кобрыне і Берасьці праходзілі ў прыватных кватэрах, куды запрашаліся актывісты партыі.

Каардынатар БХД па Берасьцейшчыне Зьміцер Шурхай кажа, што былі спробы арэндаваць для сустрэчы канфэрэнц-залі ў гатэлях.

Так, у Берасьці напачатку нават была дадзена згода ў гатэлі "Беларусь".

"Адміністрацыя напачатку нават пагадзіла прадставіць памяшканьне. Размова зайшла ужо пра аплату за арэнду. Але калі яны даведаліся, што адбудзецца сустрэча з патэнцыйным кандыдатам у прэзыдэнты, то адразу ж прагучала адмова. І так па усіх установах без выключэньня ў Берасьці," – кажа Зьміцер Шухрай.

На сустрэчах, куды запрашаюцца актывісты партыі, сьвятары, прадпрымальнікі патэнцыйны кандыдат прэзэнтуе сваю перадвыбарчую праграму.

Паказаць камэнтары

XS
SM
MD
LG