Лінкі ўнівэрсальнага доступу

logo-print

Віноўнік трагедыі Локербі пражыў год на волі


Брытанія папярэдзіла Лібію, што любое сьвяткаваньне гадавіны вызваленьня Абдэльбасэта Меграгі будзе разглядацца як шкода двухбаковым дачыненьням. Меграгі быў адзінай асобай, асуджанай за выбух самалёта над шатляндзкім горадам Локербі ў 1988-м годзе, калі загінула 270 чалавек. Улады Шатляндыі вызвалілі Меграгі 20 жніўня летась, пасьля таго, як дактары засьведчылі, што ён сьмяротна хворы на рак і яму засталося жыць некалькі месяцаў. Такім чынам абвінавачаны тэрарыст адсядзеў восем гадоў з пажыцьцёвага тэрміну і вярнуўся ў Трыпалі, дзе быў прывітаны як герой. Меграгі дагэтуль жывы і спрэчкі вакол яго вызваленьня ўзнаўляюцца . Нядаўна прагучалі абвінавачаньні на адрас нафтавай кампаніі Брытыш Пэтролеўм, якая нібыта дапамагла вызваленьню Меграгі з тым, каб забясьпечыць сабе выгадны кантракт зь Лібіяй.
XS
SM
MD
LG