Патрыярх Маскоўскі і ўсея Русі Кірыл прыбыў на Салавецкі востраў, дзе правядзе багаслужбы і абмяркуе з прадстаўнікамі ўладаў далейшы лёс Салавецкага архіпелага. Ад XVI стагодзьдзя Салавецкі манастыр служыў як царкоўная і палітычная турма, у савецкія гады сюды ссылалі ярархаў Рускай праваслаўнай царквы, манахаў, прадстаўнікоў «белага руху», творчай інтэлігенцыі, раскулачаных сялян з Расеі, Беларусі і Ўкраіны. Патрыярх Кірыл прапануе перадаць Салавецкі манастыр царкве, а таксама стварыць тут агульнанацыянальны цэнтр вывучэньня ганеньняў на царкву ў XX стагодзьдзі.