Лінкі ўнівэрсальнага доступу

logo-print

Кадыраў адмаўляецца ад прэзыдэнцкай пасады


Прэзыдэнт Чачні Рамзан Кадыраў прапанаваў зьмяніць афіцыйную назву пасады кіраўніка рэспублікі, паколькі, на яго думку, "у Расеі толькі адзін дзяржаўны дзеяч мае права звацца прэзыдэнтам". З гэтай прапановай чачэнскі прэзыдэнт зьвярнущся да парлямэнту рэспублікі перад тым, як сысьці ў адпачынак.

Кадыраў таксама нагадаў, што ён зь "першых дзён адмовіўся ад ідэі падпісаньня пагадненьня паміж фэдэральным цэнтрам і Чачэнскай рэспублікай аб разьдзяленьні паўнамоцтваў".

Пасада прэзыдэнта зьявілася ў Чачэнскай рэспубліцы ў 2003 годзе. Першым яе прэзыдэнтам стаў бацька Рамзана Кадырава Ахмад Кадыраў. Другім прэзыдэнтам пасьля сьмерці Кадырава стаў Алу Алханаў, а ў 2007 годзе гэтую пасаду заняў Рамзан Кадыраў.

Акрамя Чачні ачольнік суб'екта фэдэрацыі РФ завецца прэзыдэнтам у Карачаева-Чаркесіі, Кабардзіна-Балкарыі, Інгушэціі, Адыгеі, Башкірыі, Бураціі, Татарстане, і Дагестане.

Зь 2004 году па ініцыятыве тагачаснага прэзыдэнта Ўладзіміра Пуціна ачольнікі выканаўчай улады ўсіх суб'ектаў фэдэрацыі прызначаюцца рэгіянальнымі заканадаўчымі органамі, але толькі з прапановы прэзыдэнта РФ.
XS
SM
MD
LG