Лінкі ўнівэрсальнага доступу

Перакладчыца. Нарадзілася ў 1982 годзе на Брагіншчыне. Пасьля Чарнобыльскай катастрофы разам з бацькамі пераехала на Жлобіншчыну. Скончыла Менскі дзяржаўны лінгвістычны ўнівэрсытэт. Адна са стваральнікаў і каардынатараў інтэрнэт-часопісу перакладаў сусьветнае літаратуры на беларускую мову “Prajdzisvet”. Жыве ў Менску.




Што для вас свабода?

Неадчуваньне мяжы несвабоды.


Што найбольш абмяжоўвае вашу свабоду?


Мае памылковыя перакананьні.


Што для вас шчасьце?


Гармонія і раўнавага з навакольным сьветам.


Чаго вы найбольш баіцеся?

Вайны як страты раўнавагі.


Які талент вы хацелі б мець?


Талент разумець сябе і сьвет.


Кім з сучасьнікаў вы захапляецеся?


Людзьмі захапляцца складана, менавіта таму, што яны людзі, а значыць не без заганаў.


Што вы найбольш любіце рабіць?

Любіць.


Калі б можна было пражыць жыцьцё яшчэ раз, што б вы зьмянілі?

Нічога.


Якую найлепшую параду вы атрымалі?

Ня лезь на ражон.


Які ваш улюбёны дэвіз?

Ня ведаю, наколькі гэта дэвіз. Цытата з рамана С. Бэкета «Ўот»: «Хочаце камень – прасіце пірог. Хочаце пірог – прасіце сьлівовы пудынг».


У якой палітычнай сыстэме вы хацелі б жыць?

Мне падаецца, галоўнае ў палітычнай сістэме – яе не адчуваць. Таму ў той, якую адчуваць ня буду.


У якой краіне вы хацелі б жыць?

У гэтай.


У якую эпоху вы хацелі б жыць?

У сучасную.


Калі б вы сталі кіраўніком Беларусі, што б зрабілі найперш?

Пачала б рыхтаваць дастойнага пераемніка.


Якія адносіны Беларусь павінна мець з Эўразьвязам?

Эканамічныя адносіны.


Якія адносіны Беларусь павінна мець з Расеяй?


Эканамічныя адносіны.


Некаторыя думаюць так: “Хай дыктатура, абы свая”. А Вы?


А я так ня думаю.


Калі і як у Беларусі зьменіцца ўлада?

Улада ўжо зьмяняецца.


Калі беларусы загавораць па-беларуску?


Ужо гавораць.


Што будзе, калі беларусы не загавораць па-беларуску

Але ж ужо загаварылі. 
XS
SM
MD
LG