З 1 жніўня 2010 году ўступіла ў сілу пастанова Дэпартамэнту ліквідацыі наступстваў катастрофы на Чарнобыльскай АЭС Міністэрства надзвычайных сытуацыяў, згодна зь якой на шмат якіх забруджаных тэрыторыях скасаваны кантрольна-прапускны рэжым. Рэабілітаваныя землі аддадзеныя ў асноўным у распараджэньне лясной гаспадаркі, і на іх будзе вырошчвацца лес. Ці сапраўды ачышчаецца забруджаная зона?
Гэта ня першы дакумэнт такога кшталту, прыняты сёлета. У адпаведнасьці з пастановай Савету Міністраў, з 10 лютага 2010 году агульная колькасьць забруджаных радыяцыяй населеных пунктаў зьменшылася на 211. І вось новы дакумэнт. Самога тэксту пастановы ў друку няма, няма яго і на афіцыйным сайце Дэпартамэнту ліквідацыі наступстваў катастрофы на ЧАЭС. Чыноўніка Дэпартамэнту пытаньні пра пастанову абураюць:
— За гэтыя 25 гадоў на 40% зьнізіўся ўзровень забруджваньня. Супраць фізыкі вы ж ня будзеце пярэчыць? Амаль напалову ачысьцілася зямля. Ну дык што? Мы сёньня жывем на тэрыторыі з пэўным узроўнем забруджваньня і жылі раней. Прыйшоў час — ён зьнізіўся амаль напалову.Ну дык што тут такога антынароднага? Што, людзі скардзяцца, што адкрываюць тэрыторыі, дзе гэта можна? Што тут сэнсацыйнага такога?
Дырэктар інстытуту «Белрад» Аляксей Несьцярэнка: «Калі казаць пра цэзій-137, пэрыяд паўраспаду яго каля 30 гадоў. Можа, гэта такая выкладка, чыста фізычная. Але пытаньне, натуральна, у тым, што другая палова будзе распадацца яшчэ 300 гадоў, вось у чым справа. Так, зараз за першыя 25-30 гадоў — самае рэзкае падзеньне забруджваньня. А потым яно будзе зьніжацца значна марудней».
Згодна з пастановай Дэпартамэнту ліквідацыі наступстваў катастрофы на ЧАЭС, асаблівы прававы стан тэрыторыяў, на якіх адменены кантрольна-прапускны рэжым, захаваецца. Тут па-ранейшаму нельга распальваць вогнішчы. Ягады і грыбы, сабраныя ў лясах неабходна абавязкова правяраць на наяўнасьць радыенуклідаў. А на памяркоўна забруджаных землях будзе вырошчвацца чысты лес.
Cтаршыня Беларускага сацыяльна-экалягічнага саюзу «Чарнобыль», пісьменьнік Васіль Якавенка:
— Я думаю, што прыняцьце гэтай пастановы малаабгрунтаванае. Таму што зараз тыя ж адносіны, якія былі і адразу ж пасьля Чарнобыльскай катастрофы: каб замазаць, каб не зьвяртаць увагі, не заўважаць нічога. Сапраўды, зараз радыенукліды цэзію распаліся ў пэўнай частцы. Але ж малыя дозы радыяцыі як дзейнічалі, так і дзейнічаюць.Заўчасна такая пастанова прынятая. Я, акрамя абурэньня, нічога не магу выказаць.
— А сапраўды лес там можа быць чыстым і дрэвы будуць чыстыя?
— Ды дзе ж яно будзе чыстае, калі тая ж радыяцыя — яна ў кары, у глебе, яна нікуды ня дзелася.
Сёлета фінансаваньне выдаткаў на пераадоленьне наступстваў катастрофы на АЭС істотна зьнізілася — на 24%. А жыхары шмат якіх цяпер ужо былых забруджаных тэрыторыяў пазбаўляюцца ільготаў, якіх і так заставалася вобмаль.
Гэта ня першы дакумэнт такога кшталту, прыняты сёлета. У адпаведнасьці з пастановай Савету Міністраў, з 10 лютага 2010 году агульная колькасьць забруджаных радыяцыяй населеных пунктаў зьменшылася на 211. І вось новы дакумэнт. Самога тэксту пастановы ў друку няма, няма яго і на афіцыйным сайце Дэпартамэнту ліквідацыі наступстваў катастрофы на ЧАЭС. Чыноўніка Дэпартамэнту пытаньні пра пастанову абураюць:
— За гэтыя 25 гадоў на 40% зьнізіўся ўзровень забруджваньня. Супраць фізыкі вы ж ня будзеце пярэчыць? Амаль напалову ачысьцілася зямля. Ну дык што? Мы сёньня жывем на тэрыторыі з пэўным узроўнем забруджваньня і жылі раней. Прыйшоў час — ён зьнізіўся амаль напалову.
Што, людзі скардзяцца, што адкрываюць тэрыторыі, дзе гэта можна? Што тут сэнсацыйнага такога?
Дырэктар інстытуту «Белрад» Аляксей Несьцярэнка: «Калі казаць пра цэзій-137, пэрыяд паўраспаду яго каля 30 гадоў. Можа, гэта такая выкладка, чыста фізычная. Але пытаньне, натуральна, у тым, што другая палова будзе распадацца яшчэ 300 гадоў, вось у чым справа. Так, зараз за першыя 25-30 гадоў — самае рэзкае падзеньне забруджваньня. А потым яно будзе зьніжацца значна марудней».
Згодна з пастановай Дэпартамэнту ліквідацыі наступстваў катастрофы на ЧАЭС, асаблівы прававы стан тэрыторыяў, на якіх адменены кантрольна-прапускны рэжым, захаваецца. Тут па-ранейшаму нельга распальваць вогнішчы. Ягады і грыбы, сабраныя ў лясах неабходна абавязкова правяраць на наяўнасьць радыенуклідаў. А на памяркоўна забруджаных землях будзе вырошчвацца чысты лес.
Cтаршыня Беларускага сацыяльна-экалягічнага саюзу «Чарнобыль», пісьменьнік Васіль Якавенка:
— Я думаю, што прыняцьце гэтай пастановы малаабгрунтаванае. Таму што зараз тыя ж адносіны, якія былі і адразу ж пасьля Чарнобыльскай катастрофы: каб замазаць, каб не зьвяртаць увагі, не заўважаць нічога. Сапраўды, зараз радыенукліды цэзію распаліся ў пэўнай частцы. Але ж малыя дозы радыяцыі як дзейнічалі, так і дзейнічаюць.
— А сапраўды лес там можа быць чыстым і дрэвы будуць чыстыя?
— Ды дзе ж яно будзе чыстае, калі тая ж радыяцыя — яна ў кары, у глебе, яна нікуды ня дзелася.
Сёлета фінансаваньне выдаткаў на пераадоленьне наступстваў катастрофы на АЭС істотна зьнізілася — на 24%. А жыхары шмат якіх цяпер ужо былых забруджаных тэрыторыяў пазбаўляюцца ільготаў, якіх і так заставалася вобмаль.
