Справу аб замаху на забойства 22-гадовай жыхаркі Рагачоўскага раёну, па якой абвінавачваецца былы ўчастковы мясцовага РАУС, у верасьні плянуюць перадаць у суд.
Пра гэта паведаміў начальнік сьледчага аддзелу па найважнейшых справах пракуратуры Гомельскай вобласьці Юры Дзям'янчык, перадае БЕЛТА.
Трагедыя здарылася ў купальскую ноч з 6 на 7 ліпеня.
30-гадовы ўчастковы, які знаходзіўся падчас дзяжурства ў нецьвярозым стане, з табэльнай зброі стрэліў у жыхарку вёскі Журавічы. Ад раненьня ў галаву дзяўчына, не апрытомнеўшы, памерла ў рэанімацыі, не апрытомнеўшы.
Паводле Ю. Дзям'янчыка, падчас выстаўленьня канчатковага абвінавачаньня артыкул можа быць перакваліфікаваны на “наўмыснае забойства”. Цяпер сьледзтвам адноўлена карціна злачынства.
Участковы, які быў абавязаны несьці службу па ахове грамадзкага парадку, і тры яго калегі – супрацоўнікі праваахоўчых органаў – адпачывалі разам са знаёмымі. Сярод іх была і ахвяра злачынства. Канфлікт, які ўспыхнуў паміж імі, скончыўся стрэлам. Злосны намер у дзеяньнях участковага яшчэ трэба ўстанавіць падчас сьледзтва, якое маюць намер завяршыць на пачатку верасьня.
Падчас сьледзтва будзе праведзена праверка адносна нядбайнасьці ў дзеяньнях кіраўніцтва РАУС.
Сваякі загінулай ад кулі міліцыянта дзяўчыны зьвярнуліся ў праваабарончы цэнтар “Вясна”. Яны заявілі, што ня вераць у афіцыйную вэрсію трагедыі, што міліцыянт выпадкова стрэліў у галаву.
Праваабаронцы лічаць, што неабходна правесьці грамадзкае назіраньне за ходам расьсьледаваньня гэтай крымінальнай справы.
Пра гэта паведаміў начальнік сьледчага аддзелу па найважнейшых справах пракуратуры Гомельскай вобласьці Юры Дзям'янчык, перадае БЕЛТА.
Трагедыя здарылася ў купальскую ноч з 6 на 7 ліпеня.
30-гадовы ўчастковы, які знаходзіўся падчас дзяжурства ў нецьвярозым стане, з табэльнай зброі стрэліў у жыхарку вёскі Журавічы. Ад раненьня ў галаву дзяўчына, не апрытомнеўшы, памерла ў рэанімацыі, не апрытомнеўшы.
Паводле Ю. Дзям'янчыка, падчас выстаўленьня канчатковага абвінавачаньня артыкул можа быць перакваліфікаваны на “наўмыснае забойства”. Цяпер сьледзтвам адноўлена карціна злачынства.
Участковы, які быў абавязаны несьці службу па ахове грамадзкага парадку, і тры яго калегі – супрацоўнікі праваахоўчых органаў – адпачывалі разам са знаёмымі. Сярод іх была і ахвяра злачынства. Канфлікт, які ўспыхнуў паміж імі, скончыўся стрэлам. Злосны намер у дзеяньнях участковага яшчэ трэба ўстанавіць падчас сьледзтва, якое маюць намер завяршыць на пачатку верасьня.
Падчас сьледзтва будзе праведзена праверка адносна нядбайнасьці ў дзеяньнях кіраўніцтва РАУС.
Сваякі загінулай ад кулі міліцыянта дзяўчыны зьвярнуліся ў праваабарончы цэнтар “Вясна”. Яны заявілі, што ня вераць у афіцыйную вэрсію трагедыі, што міліцыянт выпадкова стрэліў у галаву.
Праваабаронцы лічаць, што неабходна правесьці грамадзкае назіраньне за ходам расьсьледаваньня гэтай крымінальнай справы.
