Лінкі ўнівэрсальнага доступу

logo-print

Кіраўніца расейскага выбаркаму асуджанае за фальсыфікацыю


Суд гораду Азоў, што ў Растоўскай вобласьці Расеі, асудзіў кіраўніцтва аднаго з участковых выбаркамаў за фальшаваньні падчас леташніх парлямэнцкіх выбараў. Назіральнікам ад партыі камуністаў і "Справядлівай Расеі" ўдалося зьняць на відэакамэру тое, як старшыня і сакратарка выбарчага камітэту спрабавалі падкінуць у вурны для галасаваньня 600 дадатковых бюлетэняў, у якіх быў пазначаны выбар на карысьць праўладнай партыі "Адзіная Расея".

Суд пакараў абедзьвюх жанчын штрафам у памеры паўгадавога акладу. Прадстаўнік "Справядлівай Расеі", які прысуднічаў на судзе, сказаў, што нягледзячы на празьмерную, на яго думку, мяккасьць пакараньня, тое, што чыноўніцы былі асуджаныя можа паслужыць асьцярогай іх калегам.
XS
SM
MD
LG