Лінкі ўнівэрсальнага доступу

logo-print
25 ліпеня прэм'ер-міністар Літвы Андрус Кубілюс у складзе групы з 30 чалавек выправіўся ў паход на ровары па тэрыторыі Беларусі, які працягнецца да 1 жніўня. Сярод іншага, маршрут пройдзе празь Ліду і Нясьвіж. Заплянаваныя сустрэчы удзельнікаў з прадстаўнікамі мясцовых этнічных літоўцаў і наведваньне імшы ў адным з касьцёлаў.

Паход на роварах "Заварочвай направа" ладзіцца ўжо дзявяты раз. Яго ладзіць партыя Саюз айчыны – хрысьціянскія дэмакраты. Сярод турыстаў - літоўскія палітыкі, чыноўнікі, іх сябры і сямейнікі.

Падчас візыту ў Менск у канцы чэрвеня Андрус Кубілюс запрасіў узяць удзел у паходзе беларускага кіраўніка Аляксандра Лукашэнку. Аднак, як сказала БелаПАН прэсавая сакратарка літоўскага прэм'ера Ярда Паўкшцене, гэтае запрашэньне было "больш жартаўлівым, чым афіцыйным".

Паказаць камэнтары

XS
SM
MD
LG