"З 21 ліпеня ў Беларусі ўступае ў сілу новы Закон" Аб прававым становішчы замежных грамадзянаў і асоб без грамадзянства", які прадугледжвае павелічэньне тэрміну знаходжаньня замежнікаў на тэрыторыі краіны без рэгістрацыі з 3 да 5 працоўных дзён", - паведамілі агенцтву Інтэрфаксу ў міліцыі Менску.
Новы закон захавае ранейшы тэрмін кароткатэрміновага побыту iншаземца на працягу 90 дзён. Таксама ўводзіцца паняцьце каляндарнага году – "гэта значыць, што іншаземец можа знаходзіцца на тэрыторыі Беларусі і атрымаць дазвол на часовае або пастаяннае жыхарства на працягу 90 сутак, з 1 студзеня па 31 сьнежня гэтага года".
"Іншаземец проста дэкляруе месца свайго жыхарства, а ўпаўнаважаны орган яго па гэтым месцы жыхарства рэгіструе. Але для асобаў, якія наведваюць Беларусь у мэтах турызму і якія маюць некалькі месцаў для пражываньня – вандруючы (…) усталяваная працэдура рэгістрацыі па першаму месцы знаходжаньня", - паведамілі ў ГУЎС.
Дазвол на часовае пражываньне выдаецца iншаземцам, калі яны зьяўляюцца мужам і жонкай, блізкімі сваякамі грамадзянаў Беларусі.
"Паводле новага закону, дазвол на сталае пражываньне замежніка не выдаецца, калі маюцца дакумэнты або зьвесткі, якія пацьвярджаюць, што шлюб з грамадзянінам Беларусі альбо іншаземцам, якія пастаянна пражываюць у краіне, заключаны замежнікам выключна з мэтай атрыманьня дазволу на сталае пражываньне", - адзначылі ў ГУЎС Менску.
***
У краінах-суседках Беларусі замежнікі не павінны рэгістравацца для кароткатэрміновага побыту ў Літве і Латвіі. Але калі замежнік хоча застацца ў гэтых краінах даўжэй, чым на 90 дзён, дык мусіць прайсьці рэгістрацыю (у Літве — у мясцовай управе самакіраваньня; у Латвіі — ва ўправе па справах грамадзянства і міграцыі).
Замежнік, які прыяжджае ва Ўкраіну на тэрмін карацейшы чым 90 дзён, рэгіструецца на мяжы, упісваючы меркаваны час і адрас свайго побыту ў гэтак званую рэгістрацыйную карту. Замежнік абавязаны мець гэтую карту з сабою падчас свайго знаходжаньня ва Ўкраіне і вярнуць яе памежным уладам пры выезьдзе.
У Польшчы замежнікі абавязаныя зарэгістраваць свой кароткатэрміновы побыт (да 90 дзён) ва ўправе мясцовага самакіраваньня (управе гораду або гміны), адпаведнай месцу пражываньня, на працягу чатырох працоўных дзён з часу перасячэньня польскай мяжы.
У Расеі замежнікі павінны рэгістраваць свой кароткатэрміновы побыт на працягу трох працоўных дзён з часу перасячэньня расейскай мяжы, на якой яны атрымліваюць дзеля гэтай рэгістрацыі так званую міграцыйную карту.
Новы закон захавае ранейшы тэрмін кароткатэрміновага побыту iншаземца на працягу 90 дзён. Таксама ўводзіцца паняцьце каляндарнага году – "гэта значыць, што іншаземец можа знаходзіцца на тэрыторыі Беларусі і атрымаць дазвол на часовае або пастаяннае жыхарства на працягу 90 сутак, з 1 студзеня па 31 сьнежня гэтага года".
"Іншаземец проста дэкляруе месца свайго жыхарства, а ўпаўнаважаны орган яго па гэтым месцы жыхарства рэгіструе. Але для асобаў, якія наведваюць Беларусь у мэтах турызму і якія маюць некалькі месцаў для пражываньня – вандруючы (…) усталяваная працэдура рэгістрацыі па першаму месцы знаходжаньня", - паведамілі ў ГУЎС.
Дазвол на часовае пражываньне выдаецца iншаземцам, калі яны зьяўляюцца мужам і жонкай, блізкімі сваякамі грамадзянаў Беларусі.
"Паводле новага закону, дазвол на сталае пражываньне замежніка не выдаецца, калі маюцца дакумэнты або зьвесткі, якія пацьвярджаюць, што шлюб з грамадзянінам Беларусі альбо іншаземцам, якія пастаянна пражываюць у краіне, заключаны замежнікам выключна з мэтай атрыманьня дазволу на сталае пражываньне", - адзначылі ў ГУЎС Менску.
***
У краінах-суседках Беларусі замежнікі не павінны рэгістравацца для кароткатэрміновага побыту ў Літве і Латвіі. Але калі замежнік хоча застацца ў гэтых краінах даўжэй, чым на 90 дзён, дык мусіць прайсьці рэгістрацыю (у Літве — у мясцовай управе самакіраваньня; у Латвіі — ва ўправе па справах грамадзянства і міграцыі).
Замежнік, які прыяжджае ва Ўкраіну на тэрмін карацейшы чым 90 дзён, рэгіструецца на мяжы, упісваючы меркаваны час і адрас свайго побыту ў гэтак званую рэгістрацыйную карту. Замежнік абавязаны мець гэтую карту з сабою падчас свайго знаходжаньня ва Ўкраіне і вярнуць яе памежным уладам пры выезьдзе.
У Польшчы замежнікі абавязаныя зарэгістраваць свой кароткатэрміновы побыт (да 90 дзён) ва ўправе мясцовага самакіраваньня (управе гораду або гміны), адпаведнай месцу пражываньня, на працягу чатырох працоўных дзён з часу перасячэньня польскай мяжы.
У Расеі замежнікі павінны рэгістраваць свой кароткатэрміновы побыт на працягу трох працоўных дзён з часу перасячэньня расейскай мяжы, на якой яны атрымліваюць дзеля гэтай рэгістрацыі так званую міграцыйную карту.