Лінкі ўнівэрсальнага доступу

logo-print

Ірану будзе працягваць узбагачэньне ўрану


Парлямэнт Ірану прыняў сёньня законапраект аб абавязковым працягу работ па ўзбагачэньні ўрану да 20 працэнтаў. Цяпер закон мае зацьвердзіць Рада вартаўнікоў - найвышэйшы наглядчы і заканадаўчы орган краіны.

Дакумэнт мае назоў "Барацьба з амэрыканскімі і брытанскімі змовамі ў імя абароны ядзерных дасягненьняў".

У ім гаворыцца таксама, што Іран павінен прыняць захады ў адказ на ўведзеныя супраць яго міжнародныя санкцыі, якія ўключаюць дагляд іранскіх караблёў і адмову запраўляць іранскія самалёты ў міжнародных марскіх і паветраных партах.

9 чэрвеня Рада Бясьпекі ААН увяла ўжо ў чацьвёрты раз санкцыі супраць Ірану за яго адмову спыніць узбагачэньне ўрану, які можа выкарыстоўвацца для стварэньня ядзернай зброі.

Тэгеран сьцьвярджае, што яго ядзерная праграма носіць выключна мірны характар.
XS
SM
MD
LG