Каля дзесяці сябраў кампаніі "Гавары праўду" зь Берасьця адзначылі 600-годзьдзе Грундвальдскай бітвы.
Напачатку мерапрыемства актывісты кампаніі правялі круглы стол, прысьвечаны гісторыі Беларусі. Кожны з прысутных рыхтаваў даклад па гісторыі Вялікага Княства Літоўскага. Найбольшае месца было адведзена асобе князя Вітаўта. Дакладчыкі адзначылі, што менавіта пры княжаньні Вітаўта ВКЛ дасягнула свайго найбольшага разьвіцьця.
Пасьля круглага стала актывісты кампаніі ўсклалі кветкі каля скульптуры Вітаўта, якая знаходзіцца на помніку тысячагодзьдзя гораду Берасьце.