Лінкі ўнівэрсальнага доступу

За падушкі -- затрыманьне


Увечары 15 ліпеня аадыходы да Нацыянальнай бібліятэкі ў Менску кантралявалі людзі ў цывільным. Яны затрымлівалі тых, у каго аказвалася з сабой падушка, і вялі у міліцэйскія аўтобусы. Агулам затрымалі каля 70 чалавек з тых, хто хацеў паўдзельнічаць у "бітве падушкамі", прымеркаванай да 600-годдзя Грунвальдзкай бітвы і не дазволенай гарадзкімі ўладамі.

Максім Махнач ехаў ля Нацыянальнай бібліятэкі на ровары, з падушкай у заплечніку. «Падушка — патрэбная рэч для таго, каб спаць», — кажа ён міліцыянтам.

Таксама міліцыя правярае дакумэнты ў журналістаў.

Пасьпелі прыехаць бацькі некаторых затрыманых, паразмаўлялі зь дзецьмі праз шыбы, але не змаглі іх вызваліць.

У трэцім аўтобусе не хапіла месцаў для ўсіх затрыманых. «Лішніх» адвялі да вадасховішча і сказалі ісьці адсюль. Калі ўсе разышліся ці былі затрыманыя, вярнуўся пустым першы аўтобус.

Таксама пасажыраў з падушкамі не выпускалі з мэтро.

Ваяры меліся падзяліцца на тэўтонцкія і літоўскія войскі, ВКЛ, вядома, перамагло б. Але бітву сарвалі.

Андрэй Кім, удзельнік папярэдніх баёў падушкамі, адвёў рэшту ахвотных пабіцца падушкамі у поле ля мэтро «Усход». Бойка адбылася. Кіма пасьля затрымалі.

Гэтаму змагару за незалежнасьць ВКЛ давялося адправіцца ў Першамайскі РАУС.
Аматарамі баёў падушкамі міліцыянты запоўнілі тры такія тры аўтобусы.
Міліцыянты ў цывільным не пускаюць моладзь да бібліятэкі.
Гэты актывіст мусіў змагацца на баку тэутонцаў.
Плошча каля Нацыянальнай бібліятэкі апусьцела, але на ўсякі выпадак міліцыянты трымалі ячшэ адзін аўтобус.

Паказаць камэнтары

XS
SM
MD
LG