Сытуацыя ў мэдыйнай прасторы Беларусі напярэдадні прэзыдэнцкай выбарчай кампаніі абмяркоўваецца на круглым стале, які праходзіць у менскім гатэлі "Эўропа".
Арганізатарамі выступілі аналітычны цэнтар "Стратэгія" і Нацыянальны камітэт аб'яднаных дэмсілаў.
Адкрываючы круглы стол, старшыня Нацыянальнага камітэту аб'яднаных дэмсілаў Анатоль Лябедзька адзначыў, што цікавасьць да гэтай тэмы праявілі тры групы — палітыкі, журналісты і праваабаронцы. Самая галоўная мэта дыскусіі — "напрацоўка пляну сумесных дзеяньняў, каб мэдыйная прастора Беларусі яшчэ далей ня зьменшылася, ня скурчылася".
Старшыня Беларускай асацыяцыі журналістаў Жана Літвіна расказала пра ролю мэдыяў падчас выбарчых кампаній, журналіст Аляксандар Коктыш з уласнага досьведу распавёў пра этыку ўзаемадзеяньня журналістаў і палітыкаў, а палітоляг Аляксандар Класкоўскі расказаў пра ролю інтэрнэт- мэдыяў падчас выбарчых кампаній.
Ж.Літвіна распавяла пра сытуацыю ў сфэры мэдыяў. Яна адзначыла, што зь дзяржаўнага распаўсюду выкідаюцца недзяржаўныя выданьні, спробы зарэгістраваць новыя недзяржаўныя СМІ палітычна актыўнымі асобамі ня маюць посьпеху, а за апошні год 20 журналістаў атрымалі папярэджаньні ад пракуратуры за працу на замежныя мэдыі без акрэдытацыі.
Нагадаем, што некалькі дзён таму кіраўнік місіі ЗША пры АБСЭ Іэн Келі выступіў з заявай аб парушэньнях правоў чалавека ў Беларусі перад Сталай радай АБСЭ ў Вене.
У заяве сярод іншага гаворыцца, што “ЗША адзначаюць з сур’ёзнай занепакоенасьцю, што працягваюцца ціск і запалохваньне, накіраваныя на незалежныя СМІ і палітычную апазыцыю ў Беларусі”.
Арганізатарамі выступілі аналітычны цэнтар "Стратэгія" і Нацыянальны камітэт аб'яднаных дэмсілаў.
Адкрываючы круглы стол, старшыня Нацыянальнага камітэту аб'яднаных дэмсілаў Анатоль Лябедзька адзначыў, што цікавасьць да гэтай тэмы праявілі тры групы — палітыкі, журналісты і праваабаронцы. Самая галоўная мэта дыскусіі — "напрацоўка пляну сумесных дзеяньняў, каб мэдыйная прастора Беларусі яшчэ далей ня зьменшылася, ня скурчылася".
Старшыня Беларускай асацыяцыі журналістаў Жана Літвіна расказала пра ролю мэдыяў падчас выбарчых кампаній, журналіст Аляксандар Коктыш з уласнага досьведу распавёў пра этыку ўзаемадзеяньня журналістаў і палітыкаў, а палітоляг Аляксандар Класкоўскі расказаў пра ролю інтэрнэт- мэдыяў падчас выбарчых кампаній.
Ж.Літвіна распавяла пра сытуацыю ў сфэры мэдыяў. Яна адзначыла, што зь дзяржаўнага распаўсюду выкідаюцца недзяржаўныя выданьні, спробы зарэгістраваць новыя недзяржаўныя СМІ палітычна актыўнымі асобамі ня маюць посьпеху, а за апошні год 20 журналістаў атрымалі папярэджаньні ад пракуратуры за працу на замежныя мэдыі без акрэдытацыі.
Нагадаем, што некалькі дзён таму кіраўнік місіі ЗША пры АБСЭ Іэн Келі выступіў з заявай аб парушэньнях правоў чалавека ў Беларусі перад Сталай радай АБСЭ ў Вене.
У заяве сярод іншага гаворыцца, што “ЗША адзначаюць з сур’ёзнай занепакоенасьцю, што працягваюцца ціск і запалохваньне, накіраваныя на незалежныя СМІ і палітычную апазыцыю ў Беларусі”.
