Лінкі ўнівэрсальнага доступу

Штраф "Новаму жыцьцю" не скасавалі


Юрыст царквы "Нова жыцьцё" Сяргей Луканін
Юрыст царквы "Нова жыцьцё" Сяргей Луканін

Вярхоўны суд пакінуў бяз зьменаў рашэньне суду Маскоўскага раёну Менску, які аштрафаваў царкву "Новае жыцьцё" на 8,75 мільёнаў рублёў.


Вярхоўны суд пакінуў бяз зьменаў рашэньне суду Маскоўскага раёну Менску, які аштрафаваў царкву "Новае жыцьцё" на 8,75 мільёнаў рублёў.


Пра гэта гаворыцца ў пастанове за подпісам намесьніка старшыні Вярхоўнага суду Валерыя Калінковіча, якое 12 ліпеня паступіла ў офіс рэлігійнай суполкі

Юрыст царквы Сяргей Луканін паведаміў БелаПАН: у пастанове напісана, што ў Вярхоўнага суду няма падстаў для задавальненьня скаргі царквы.

У 2009 годзе Камітэт аховы прыроды Менгарвыканкаму склаў пратакол, зь якога вынікала, што глеба на тэрыторыі вакол царквы мае падвышанае ўтрыманьне нафтапрадуктаў і што ў гэтым вінаватая менавіта царква.

У судзе прадстаўнікі царквы заяўлялі, што Камітэт аховы прыроды зрабіў пробы грунту на прылеглай да царкоўнага будынку тэрыторыі бязь ведама царквы і бязь сьведак. А таму зусім не даказана, што пробы браліся менавіта каля царквы.

У судзе Луканін таксама даводзіў, што да набыцьця царквой будынку былога кароўніка побач знаходзілася несанкцыянаваная гарадзкая звалка, у тым ліку старых аўтамабіляў, а таму, калі пробы і праўдзівыя, забруджваньне магло адбыцца ўжо даўно. Дый тэрыторыя зьяўляецца ўласнасьцю не царквы, а гораду. Гаспадар яе юрыдычна — Менгарвыканкам, а таму прэтэнзіі яму і павінны выстаўляцца.

Аднак ніякіх довадаў прадстаўніка царквы судзьдзя не ўзяла пад увагу.

Канфлікт паміж уладамі Менску і “Новага жыцьця” цягнецца болей за 5 гадоў.

Вернікі судзяцца з уладамі ад 2005 году, калі ў іх забралі зямельны надзел і будынак (былы калгасны кароўнік на ўскрайку Менску). Яны трымалі галадоўку пратэсту і вялі перамовы з уладамі. Вернікам прапанавалі грашовую кампэнсацыю ў 37 мільёнаў рублёў.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG