У Маскве сёньня была заснаваная новая палітычная партыя – "Іншая Расея". Аргкамітэт па яе стварэньні ўзначаліў вядомы апазыцыйны палітык Эдуард Лімонаў. Партыя была створаная на зьезьдзе ў гатэльным комплексе "Ізмайлава" ў Маскве, дзе сабраліся 150 дэлегатаў. Месца правядзеньня зьезду пікетуюць актывісты моладзевага руху "Нашы", якія разгарнулі плякаты з лёзунгамі супраць партыі.