Лінкі ўнівэрсальнага доступу

У Насты Машчавай шукалі на мяжы плястыкавыя карткі


Наста Машчава

Наста Машчава


Памежнікі на беларуска-літоўскай мяжы на паўгадзіны затрымалі цягнік з-за актывісткі «Маладой Беларусі» Насты Машчавай.

Наста распавяла «Свабодзе», што ехала на сэсію ў ЭГУ. Памежнікі спачатку забралі яе пашпарт і пачалі праглядаць усе яе рэчы. Яны цікавіліся, ці ёсьць у дзяўчыны ноўтбук, флэшкі і плястыкавыя карткі банкаў.

Яны знайшлі ў Насты картку ад таксафону і праязны на мэтро. Пасьля гэтага дзяўчыне вярнулі пашпарт, але празь некалькі хвілінаў зноў забралі і сышлі.

Дакумэнты і рэчы іншых пасажыраў на той час былі правераныя.

Нарэшце памежнікі прынесьлі дзяўчыне пашпарт і сышлі.

Днямі ў кватэру Насты Машчавай спрабавалі ўварвацца людзі ў цывільным. Яны чакалі Насту і лідэра арганізацыі Артура Фінькевіча каля пад’езду дома.

Артур Фінькевіч тлумачыць гэтыя інцыдэнты тым, што 10 ліпеня мае адбыцца зьезд руху «Маладая Беларусь».

Паказаць камэнтары

XS
SM
MD
LG