Лінкі ўнівэрсальнага доступу

logo-print

Бліц-агляд падзеяў і тэмаў у Беларусі, сьвеце, гісторыі.


ТО ВОБЛАЧНА...


...то сонечна, ды з маланкамі і дажджамі. Тэмпэратура: 18 — 25 °С.

НЕ ПРАХОДЗЬЦЕ МІМА:


У Доме прэсы ў Менску прэзэнтацыя кнігі Юр’я Бохана "Ваяры Грунвальдзкай бітвы". Пачатак аб 11.00.

Зьміцер Вайцюшкевіч выступае ў Заслаўі Менскага раёну, дзе возьме ўдзел у сьвяткаваньні Купальля. Выступ распачнецца а 21.00 на Цэнтральнай плошчы гораду.

ТАМ, ДЗЕ НАС НЯМА:


Прэзыдэнт ЗША Барак Абама сустракаецца з прэм’ер-міністрам Ізраілю Бэньямінам Нэтаньягу ў Вашынгтоне.

Прэзыдэнт Сэрбіі Барыс Тадзіч наведвае Чарнагорыю.

На футбольным чэмпіянаце сьвету ў Паўднёвай Афрыцы Нідэрлянды гуляюць з Уругваем у першым паўфінале.

ТАКСАМА Ў ГЭТЫ ДЗЕНЬ:


У 1785 Кангрэс ЗША пастанавіў назваць амэрыканскую валюту далярам.

У 1851 нарадзіўся беларускі паэт Янка Лучына (пам. 1897).

У 1887 у Віцебску нарадзіўся сусьветна вядомы мастак габрэйскага паходжаньня Марк Шагал (пам. 1985).

У 1935 нарадзіўся цяперашні духоўны лідэр Тыбэту Далай-лама ХІV.

У 1962 памёр амэрыканскі пісьменьнік Уільям Фолкнэр (нар. 1897), ляўрэат Нобэлеўскай прэміі 1949.

ЁСЬЦЬ НАГОДА:


Сусьветны дзень пацалунку.

Дзень дзяржаўнасьці ў Літве (6 ліпеня 1253 адбылася каранацыя Міндоўга).

Дзень сталіцы Казахстану — Астаны. Дзень нараджэньня прэзыдэнта Казахстану Нурсултана Назарбаева.

Дзень памяці Яна Гуса — дзяржаўнае сьвята Чэхіі. 6 чэрвеня 1415 году вялікі чэскі рэлігійны прапаведнік і рэфарматар Ян Гус быў спалены Каталіцкай царквою за ерась.

МІНУС 365:


Год таму на сайце “Свабоды”: "Мы вырашылі перазагрузіць амэрыканска-расейскія адносіны".

ЦЫТАТА НА ПАМЯЦЬ:


"Факты і праўда насамрэч ня маюць шмат супольнага адно з адным".

Уільям Фолкнэр
XS
SM
MD
LG