Лінкі ўнівэрсальнага доступу

“Я хацела ўбачыць сьлёзы Крыштыяну Ранальду”


Па Крыштыяну Ранальду сохнуць дзеўкі па ўсім сьвеце. Але ня ўсе.

Па Крыштыяну Ранальду сохнуць дзеўкі па ўсім сьвеце. Але ня ўсе.

На чэмпіянаце сьвету па футболе ў Паўднёвай Афрыцы засталося толькі восем зборных. Наперадзе — чвэрцьфінальныя двубоі, якія скароцяць колькасьць прэтэндэнтаў на галоўны трафэй яшчэ ўдвая. Апошні чвэрцьфіналіст вызначаўся ў гульні Гішпанія — Партугалія. Я паглядзеў гэты матч у адной зь менскіх кавярняў.


Глядзець матч Гішпанія — Партугалія я зьбіраўся дома, але напярэдадні аб’явіўся мой сябар-гішпанец Пепе, які ўжо паўгода жыве і працуе паміж Менскам і Барысавам. Пепе — менавіта так клічуць аднаго з трэнэраў беларускага футбольнага клюба БАТЭ — прапанаваў паглядзець футбол разам. Да нас далучылася яшчэ некалькі сяброў ды знаёмых. Уся кампанія на чале зь Пепе перажывала за Гішпанію.

Давід Вілья радуецца свайму адзінаму і пераможнаму голу ў вароты Партугаліі.
Пепе: «Гішпанія! Жыве Гішпанія!»

Землякі гішпанскага трэнэра, які працуе ў Беларусі, не падкачалі і адолелі Партугалію, якая разам са сваім знакамітым лідэрам Крыштыяну Ранальду была відавочна слабейшая. Адзіны гол у матчы забіў новасьпечаны нападнік «Барсэлёны» Давід Вілья.

Вось што сказаў адразу пасьля фінальнага сьвістка Пепе:

«Жыве Гішпанія! Насамрэч мы кантралявалі матч, навязалі наш стыль, але гэта была жахлівая гульня. Тым ня менш мы выйгралі 1:0, і Крыштыяну едзе дадому! У зборнай зараз добрая форма. Усе змагаліся на сьмерць, і вось — мы ў чвэрцьфінале».

Радавалася перамозе гішпанцаў і заўзятарка Юля:

«Я заўзела за Гішпанію, таму што я цярпець не магу зборную Партугаліі і я цярпець не магу Крыштыяну Ранальду. Я хацела ў канцы ўбачыць яго сьлёзы. Гішпанія мне нашмат больш сымпатычная за Партугалію, гульцы якой любяць паваляцца ды пасімуліраваць».

На беларускім тэлебачаньні гульню Гішпанія —
Мне званіла яго маці і казала, што як можна называць ейнага сына „Хаві“? Ён завецца Чаві.
Партугалія камэнтаваў Аляксандар Цьвічкоўскі, які хібіў з вымаўленьнем гішпанскіх прозьвішчаў. Вось як на гэта рэагаваў Пепе:

«Калі ласка, называйце хлопца ягоным імем. Мне званіла яго маці і казала, што як можна называць ейнага сына „Хаві“? Ён завецца Чаві. Ча-ві!»

Пасьля перамогі гішпанцаў над партугальцамі на мундыялі пачаліся выходныя — дагэтуль матчы праходзілі штодня. Два чвэрцьфіналы будуць згуляныя ў пятніцу: Галяндыя — Бразылія ды Ўругвай — Гана. У суботу аргентынскую зборную на чале з Марадонам будуць экзамэнаваць немцы, а Гішпанія пазмагаецца з Парагваем.

Паказаць камэнтары

XS
SM
MD
LG