Тэлебачаньне Тэгерану паказала трэці па ліку відэаролік са зваротам іранскага фізыка-ядзершчыка Шахрама Аміры, які зьнік год таму пад час паломніцтва ў Саўдаўскую Арабію. Як заявіў Шахрам Аміры, ён быў выкрадзены амэрыканскімі спэцслужбамі і ніколі ня думаў аб здрадзе Ірану. Цяпер ён зьбег ад ЦРУ. Ён просіць дапамагчы яму ў вяртаньні на радзіму. У выпадку сваёй магчымай сьмерці ён просіць вініць ва ўсім ЗША.