Амэрыканскі генэрал Дэвід Пэтрэўс, які ўзначаліць кантынгент НАТО ў Аўганістане, сёньня мае быць зацьверджаны на гэтай пасадзе Сэнатам. Пэтрэўс, які, як лічыцца ,дабіўся вялікіх посьпехаў падчас вайны ў Іраку, як чакаецца, атрымае поўную падтрымку сэнатараў. Пэтрэўс заменіць генэрала Маккрыстала, які быў звольнены прэзыдэнтам Абамам пасьля сваіх выказваньняў у прэсе, у якіх ён непаважліва выказаўся наконт некаторых амэрыканскіх чыноўнікаў