Студэнты Марыя Крупіца і Максім Цярэшчанка распавялі, што наведвалі дзіцячы дом на вуліцы Сьвідзінскага ў Віцебску, дзе выхоўваюцца дзеці з праблемамі псыхафізычнага разьвіцьця, цягам двух месяцаў. Яны назіралі за выхаванцамі і фатаграфавалі падчас гульняў ці карэкцыйных заняткаў.
Усе рэчы, сабраныя на дабрачыннай выставе, будуць перададзеныя ў дзіцячы дом, які мае патрэбу ў адзеньні і абутку для дзетак.
Выставу зладзілі ў мастацкай школе №1, дзе некалі вучыліся аўтары фотаздымкаў. Паглядзець яе можна будзе на працягу трох дзён, а потым усе здымкі будуць таксама перададзены ў дзіцячы дом.
