На двары
Цяплее. Ад +19 у Гародні, да +29 у Гомелі і Магілёве. Магчымыя навальніцы.
Не праходзьце міма
У Вілейцы і Глыбокім адбудзецца ўшанаваньне памяці вязьняў савецкіх турмаў, расстраляных органамі НКУС у першыя дні Айчыннай вайны.
У Наваградку рыхтуюцца да сьвяткаваньня 600-годзьдзя Грунвальдзкай бітвы.
У менскім Парку Чалюскінцаў пройдзе вялікі фэст, прысьвечаны гурту Бітлз.
Там, дзе нас няма
У большасьці фэдэральных земляў Нямеччыны для школьнікаў настане апошні дзень заняткаў перад летнімі канікуламі.
Таксама ў гэты дзень
1910. У Парыжы адбылася прэм’ера балету Ігара Стравінскага “Жар-птушка”, якая паклала пачатак яго сусьветнай славы.
1946. Пачаў сваю дзейнасьць Сусьветны банк.
1967. Бітлз у часе жывога тэлеэфіру прасьпявалі песьню "All You Need Is Love".
1991. Славенія і Харватыя прынялі дэклярацыі аб выхадзе са складу Югаслаўскай фэдэрацыі.
Ёсьць нагода
Год таму ў Лос Анджэлэсе ў веку 50 гадоў памёр кароль попу Майкл Джэксан.
Мінус 365
Беларусь павіншавала Іран з “пасьпяховымі прэзыдэнцкімі выбарамі”
Цытата на памяць
"...Паглядзі, нават Бітлз паміраюць, што там твае бацькі", – Вальжына Морт.