Лінкі ўнівэрсальнага доступу

У Берасьці хочуць аднаўляць стары горад


Рэшткі касьцёлу. Сучасны стан.

Рэшткі касьцёлу. Сучасны стан.

Навукова Мэтадычная Рада Міністэрства культуры падтрымала прапанову архітэктара Міхаіла Гайдуковіча аб фармаваньні гісторыка-культурнага комплексу «Брэст» на тэрыторыі Брэсцкай крэпасьці. Плян прадугледжвае аднаўленьне шэрагу комплексаў і будынкаў старога гораду.

Касьцёл кляштара бэрнардынак у 1939 годзе.
Як паведаміла Свабодзе архітэктар Ірына Лаўроўская, у сувязі з гэтым у Берасьці ствараецца новы творчы калектыў, які на працягу трох месяцаў павінен распрацаваць канкрэтныя прапановы музэефікацыі і адаптацыі гістарычнай забудовы, выканаць макет і прадставіць прапановы на разгляд прэзыдэнту Беларусі.

У склад творчага калектыву далі згоду ўвайсьці калектыў архітэктараў «Брэстрэстаўрацыяпраект» на чале з Уладзімірам Казаковым, архітэктары Валерый Кіскевіч і Аляксей Андраюк, незалежная група пад кіраўніцтвам доктара архітэктуры і ўрбаністыкі Ірыны Лаўроўскай.

У 1992 годзе пад кіраўніцтвам археоляга Валянціна Собаля былі праведзеныя раскопкі на даўнім замухавецкім прадмесьці Берасьця і выяўленыя асаблівасьці аб’ёмна-прасторавай структуры кляштара і касьцёла бэрнардынак. Менавіта гэты будынак сёньня разглядаецца як найбольш верагодны для прыярытэтнага аднаўленьня. Якая будзе ягоная новая функцыя, яшчэ ня вызначана.

Каардынаваць працу творчага калектыву будзе Міхаіл Гайдуковіч.

Рэканструкцыя касьцёлу. Архітэктары Ірына Лаўроўская, Анрэй Лары, Антон Вантух.


Паказаць камэнтары

XS
SM
MD
LG