Лінкі ўнівэрсальнага доступу

Адвакат Бандарэнкі абскардзіў прысуд прадпрымальніку


Андрэй Бандарэнка

Андрэй Бандарэнка

Адвакат Зьміцер Лаеўскі ад імя Андрэя Бандарэнкі падаў старшыні Менскага гарадзкога суду наглядную скаргу на прысуд Першамайскага раённага суду Менску і вызначэньне судовай калегіі Менскага гарадзкога суду.

Нагадаем, прадпрымальнік, сябра АГП Бандарэнка ў лютым быў асуджаны да 6 гадоў зьняволеньня з канфіскацыяй маёмасьці за крадзеж шляхам махлярства.

У траўні Андрэя Бандарэнку для адбыцьця пакараньня накіравалі ў Бабруйскую калёнію. З 15 чэрвеня вязень пачаў галадоўку пратэсту супроць прысуду. Сваёй віны сябра АГП Бандарэнка не прызнае і тлумачыць перасьлед палітычнымі матывамі, у прыватнасьці, помстай яму за ўдзел у парлямэнцкіх выбарах і за намаганьні абскардзіць вынікі выбараў. Андрэй Бандарэнка патрабуе адмены прысуду і вызваленьня.

Андрэй Бандарэнка быў арыштаваны ў сярэдзіне 2009 году. На пачатку 2010 года Андрэй Бандарэнка ўжо трымаў працяглую галадоўку, пратэстуючы супроць парушэньня ягоных правоў.
XS
SM
MD
LG