Лінкі ўнівэрсальнага доступу

“Спыніць транзыт газу можна толькі сілавым рашэньнем”


Аляксандар Мех

Аляксандар Мех

Ці валодае Беларусь тэхнічнымі магчымасьцямі, каб абмежаваць транзыт? Удакладняе былы адказны супрацоўнік Кобрынскай управы магістральных газаправодаў Аляксандар Мех:


“Па тэрыторыі Беларусі праходзяць два газаправоды. Першы зь іх — “Ямал-Эўропа”, які цалкам зьяўляецца расейскім і транзытным. Гэта трансгранічная труба, яна проста праходзіць празь Беларусь у Польшчу і Нямеччыну.

Ёсьць яшчэ адзін газаправод, што належаў раней “Белтрансгазу”, але ж і ён на сёньня на 50% належыць Расеі”.

Суразмоўца падкрэсьлівае, што на тэрыторыі Беларусі абодва названыя газаправоды абслугоўваюць спэцыялісты “Белтрансгазу”. Іх кіраўніцтва ня мае ніякіх падставаў для спыненьня транзыту. Хіба толькі Лукашэнка прымусіць сілавым рашэньнем:

“Сапраўды, спыніць транзыт практычна немагчыма. Толькі калі будзе загад і тыя людзі, якія працуюць тут, атрымаюць цьвёрды загад. У Беларусі ў гэтым сэнсе ўсё магчыма…”
XS
SM
MD
LG