Лінкі ўнівэрсальнага доступу

logo-print

Доўгая дарога Палаты прадстаўнікоў да ратыфікацыі Мытнага кодэксу


Ці будзе 14 чэрвеня Палата прадстаўнікоў ратыфікаваць Мытны кодэкс Мытнага саюзу "тройкі"? Пытаньне гэта ўзьнікае невыпадкова.

Рада Палаты ўключыла яго ў парадак дня цяперашняй сэсіі. Аднак у чацьвер, 10 чэрвеня, гэта пытаньне дэпутаты не разглядалі. У кулюарах гучала такое меркаваньне – няма чаго сьпяшацца, няхай спачатку Аляксандар Лукашэнка высьветліць усё ў Маскве.

Мяркуюць, што менавіта з гэтай нагоды ў прыкладным графіку работы Палаты прадстаўнікоў зьявілася паседжаньне, якога раней не было – 14 чэрвеня. І пачынацца яно павінна а 16-й гадзіне.

Аднак дагэтуль няма публічнай інфармацыі пра тое, ці дамовіўся па балючых для Беларусі пытаньнях Аляксандар Лукашэнка ў Маскве.

Да паездкі кіраўніка Беларусі ў Маскву сытуацыя з мытным кодэксам выглядала так: пытаньні аб увазных пошлінах на аўтамабілі і на энэрганосьбіты выдалены з пераліку пытаньняў, якія адносяцца да агульнага рэгуляваньня расейскім бокам. Беларускі бок настойвае на тым, каб пытаньні аб вышэйпазначаных пошлінах былі разгледжаныя ў комплексе да 1 ліпеня.

Вядома, што паседжаньне дэпутатаў сёньня адбудзецца. Але парадку дня яны яшчэ не атрымалі.
XS
SM
MD
LG