Расейскія ўлады адрэагавалі на запыт польскай пракуратуры, якой, у сваю чаргу, паступіў сыгнал з банку ўладальніка карткі. Прэсавы сакратар польскага ўраду Павел Грас сказаў сёньня польскаму радыё, што арышты былі праведзеныя з "маланкавай хуткасьцю".
Паведамляецца, што крэдытныя карты былі выкрадзеныя і зь іншых целаў знойдзеных на месцы катастрофы, але выкарыстаная, пакуль, была толькі адна.
Анджэй Пшэвозьнік, чыёй карткай скарысталіся, ачольваў Раду па абароне помнікаў барацьбітам і мучанікам. Ён загінуў 10 красавіка разам з усімі астатнімі пасажырамі польскага прэзыдэнцкага самалёту, які ляцеў у Смаленск. У гэтай аварыі загінулі болей за 80 высокапастаўленых польскіх дзеячоў і ўрадоўцаў. Са Смаленску яны мелі накіравацца да Катынь, дзе супрацоўнікамі НКВД у сталінскія часы былі расстраляныя тысячы польскіх грамадзян. Там мелі адбыцца жалобныя мерапрыемствы прымеркаваныя да ўгодкаў расстрэлу, з удзелам як расейскіх, так і польскіх найвышэйшых урадоўцаў.