Ізраіль заявіў, што ягоныя вайскоўцы падымуцца на борт ірлянскага судна, што накіроўваецца ў сэктар Газы, калі яно не паверне ў бок ізраільскага порту Ашдод на поўдні краіны. Як паведаміў прадстаўнік ваенных Авітал Лейбавіц, судна ўжо атрымала папярэджаньне, што салдаты ўступяць на борт судна, калі яно ня зьменіць курс. На судне знаходзяцца праваабаронцы, якія заяўляюць, што дастаўляюць у сэктар Газы гуманітарны груз .