Лінкі ўнівэрсальнага доступу

Цыгану пагражае 9 гадоў турмы


Былому кіраўніку Кастрычніцкага раёну Менску Міхалу Цыгану дзяржабвінаваўца папрасіў прызначыць 9 гадоў пазбаўленьня волі.

Былога чыноўніка Цыгана вінавацяць "у неаднаразовым атрыманьні хабару ў выглядзе грошай, матэрыяльных каштоўнасьцяў і прадастаўленьні паслуг маёмаснага характару, а таксама ў зьдзяйсьненьні шэрагу іншых злачынстваў", паведаміў намесьнік генэральнага пракурора Беларусі Віктар Конан.

15 студзеня 2010 году крымінальная справа супраць Міхаіла Цыгана была перададзеная ў Менскі абласны суд.

6 жніўня 2009-га Цыгана затрымалі за тое, што ён узяў хабар.

Адміністрацыю Кастрычніцкага раёну Менску Міхаіл Цыган ачольваў цягам чатырох гадоў. Згоду на яго прызначэньне Аляксандар Лукашэнка даў 17 жніўня 2005 году.
XS
SM
MD
LG