Лінкі ўнівэрсальнага доступу

logo-print

Гісторык. Нарадзіўся 21 лістапада 1955 году на Гарадзеншчыне ў мястэчку Шчучын. Скончыў гістарычны факультэт Беларускага дзяржаўнага ўнівэрсытэту. З 1978 году жыве ў Санкт-Пецярбурзе. Працуе ў Расейскай нацыянальнай бібліятэцы. Даследуе гісторыю сусветнай культуры, беларускае мастацтва, гісторыю праваслаўнай царквы. Доктар філялягічных навук (1997). Аўтар манаграфіі “Палата кнігапісная” (1993), прысьвечанай традыцыям кніжнай культуры ў Беларусі, кнігі "Беларускі Пецярбург" (2009), таксама больш за 200 публікацый па археалёгіі, гісторыі бібліятэк, рукапіснай кнігі, бібліяграфіі. Адзін з заснавальнікаў і член прэзыдыюму Міжнароднай асацыяцыі беларусістаў.


Што для вас свабода?

Магчымасьць руху і інтэрпрэтацый.


Што найбольш абмяжоўвае вашу свабоду?

Час і грошы


Што для вас шчасьце?

Працаваць і жыць у тым рытме, які сам выбраў.


Чаго вы найбольш баіцеся?

Стратаў.


Які талент вы хацелі б мець?

Добра граць на фартэпіяна альбо на гітары.


Кім з сучасьнікаў вы захапляецеся?

Шмат каго паважаю. А захапляюцца – мне здаецца – бляндынкі з анэкдоту.


Што вы найбольш любіце рабіць?

Працаваць са старымі рэчамі і дакумэнтамі.


Калі б можна было пражыць жыцьцё яшчэ раз, што б вы зьмянілі?

Запісаў бы на магнітафон галасы дзеда і бабулі, размовы нянькоўскіх людзей (вёска, дзе дзяды жылі).


Якую найлепшую параду вы атрымалі?

Ня бойся! - ад папы Яна Паўла II.


Які ваш улюбёны дэвіз?

Калі ўзяўся рабіць – рабі!


У якой палітычнай сыстэме вы хацелі б жыць?

У добра адладжанай.


У якой краіне вы хацелі б жыць?

Шлях чалавека пралягае праз розныя месцы.


У якую эпоху вы хацелі б жыць?

Сёньня.


Калі б вы сталі кіраўніком Беларусі, што б зрабілі найперш?

Выступіў бы перад грамадзянамі.


Якія адносіны Беларусь павінна мець з Эўразьвязам?

Добрыя.


Якія адносіны Беларусь павінна мець з Расеяй?

Добрыя.


Некаторыя думаюць так: “Хай дыктатура, абы свая”. А Вы?

Разьвіцьцё нацыянальнай культуры непасрэдна не залежыць ад палітычнага ладу. Беларуская культура павінна (працай інтэлігенцыі) быць настолькі разнастайнай, каб уладары з рознымі перакананьнямі маглі ў ёй (не пазычаючы ад іншых, альбо пазычаючы minimum) знайсьці адлюстраваньне свайго крэдо.


Калі і як у Беларусі зьменіцца ўлада?

Зьменіцца паводле раскладу, якога я ня ведаю.


Калі беларусы загавораць па-беларуску?

Узровень валоданьня мовай залежыць ад культуры канкрэтнага чалавека ("я вам не скажу за ўсю Адэсу…")


Што будзе, калі беларусы не загавораць па-беларуску?


Будуць маўчаць.
XS
SM
MD
LG