Камісар Эўразьвязу па пытаньнях пашырэньня і Эўрапейскай палітыкі суседзтва Штэфан Фюле сустрэўся з журналістамі з краін «Усходняга партнэрства» 24 траўня ў польскім Сопаце падчас сустрэчы кіраўнікоў МЗС краін-удзельніц гэтай праграмы ЭЗ, паведамляе сайт Хартыі-97.
«Адной з маіх першых гутарак з кіраўніком МЗС Беларусі была размова аб сытуацыі з правамі чалавека ў краіне. Мы імкнёмся дакладна сказаць беларускім уладам, што для нас непрымальна. Сытуацыя ў Беларусі за апошнія 6 месяцаў значна пагоршылася. Мы вельмі занепакоеныя гэтым фактам. Выбары ў мясцовыя Саветы прайшлі без уліку беларускімі ўладамі рэкамэндацый АБСЭ. Зараз мы настойваем на тым, каб наступныя прэзыдэнцкія выбары прайшлі ў адпаведнасьці з дэмакратычнымі стандартамі".
Пагаршэньне сытуацыі з правамі чалавека ў Беларусі стала адной з прычын таго, што Беларусь сёньня, паводле эўракамісара, «адстае» ва «Ўсходнім партнэрстве»:
«Беларусь вельмі «адстае» ва «Ўсходнім партнэрстве». Па ўсіх пунктах. Калі паглядзець на месца Беларусі ў гэтай праграме, то стане бачна, што з уладамі вашай краіны мы практычна нічога не абмяркоўваем. Ні дагавор аб асацыяцыйным членстве, ні стварэньне зоны свабоднага гандлю, ні пытаньне аб спрашчэньні візавага рэжыму ", – заявіў Штэфан Фюле.
Спрашчэньне візавага рэжыму ЭЗ цяпер абмяркоўваецца з Украінай, Малдовай, Грузіяй, Армэніяй, Азэрбайджанам. Гэта значыць з усімі краінамі «Усходняга партнэрства», акрамя Беларусі.
«Надвор'е» ў Беларусі сёньня не вельмі добрае. Сытуацыя пагаршаецца. Эўракамісія працуе над дакумэнтамі, у якіх будзе заяўлена, на якіх умовах магчыма спрашчэньне візавага рэжыму з Беларусьсю. Тут няма сакрэту: у параўнаньні з іншымі краінамі «Усходняга партнэрства» Беларусь моцна «адстае» ў вырашэньні візавага пытаньня. І гэтае пытаньне – палітычнае. Пры такой дрэннай сытуацыі ў Беларусі не чакайце ад нас вялікага энтузіязму. Ёсьць вельмі трывалая аснова для супрацоўніцтва – гэта дэмакратыя, правы чалавека і вяршэнства закона. Калі ў каго-небудзь з нашых партнэраў гэтыя тры элемэнта адсутнічаюць, то магчымасьць супрацоўніцтва значна зьмяншаецца»,– заявіў эўракамісар па пытаньнях пашырэньня і Эўрапейскай палітыцы суседзтва.
Падчас саміту «Усходняга партнэрства» ў Сопаце на пытаньні сайта charter97.org адказаў таксама міністар замежных спраў Іспаніі, якая цяпер старшынюе ў Эўразьвязе, Мігель Анхель Марацінас. Кіраўнік МЗС Іспаніі адзначыў, што Эўропу сёньня на «непакоіць» сытуацыя ў Беларусі:
