Лінкі ўнівэрсальнага доступу

logo-print

Уладзімер Някляеў: «У мяне адабралі ўсе рукапісы: аповесьці, эсэ, вершы і паэму»


Уладзімер Някляеў: «У мяне адабралі ўсе рукапісы: аповесьці, эсэ, вершы і паэму»
Уладзімер Някляеў напісаў за кратамі заяву, якую перадала мэдыям адвакат паэта Мар’яна Сямешка:

«У пастанове на ператрус у доме было напісана, што ён робіцца дзеля таго, каб „найти вещи и ценности, нажитые преступным путём“. Нічога не знайшлі, тады забралі кампутар, усе мае рукапісы, як на паперы, гэтак і электронныя. Такім чынам, „вещами и ценностями, нажитыми преступным путём“, аказаліся мае артыкулы і эсэ, аповесьці і апавяданьні, вершы і паэма. Мой арышт, як і арышт актывістаў кампаніі „Гавары праўду!“ Андрэя Дзьмітрыева і Сяргея Вазьняка — палітычны. Кампанія „Гавары праўду!“ вельмі імкліва разьвівалася, і ў гэтым разьвіцьці ўлада ўбачыла пагрозу. У розных акцыях кампаніі, як то праблемы беспрацоўя, жыльля, малога і сярэдняга бізнэсу, за вуліцу імя Васіля Быкава, мы мелі назьбіраць 200 тысяч подпісаў. І амаль 20 тысяч ужо сабралі. Пасьля гэтых ня голых словаў, а дэманстрацыі нашых рэальных магчымасьцяў, — заявіць пра тое, што ідзем на прэзыдэнцкія выбары. Вось і прайшлі... у турму.

Можна расправіцца з кампаніяй „Гавары праўду!“, можна арыштаваць Някляева і актывістаў кампаніі. Але нельга зьнішчыць праўду. Яна пераможа ў нашай Беларусі, як перамагала заўсёды і паўсюль, толькі за яе трэба змагацца і нечым у імя яе ахвяраваць». Жыве праўда! Уладзімер Някляеў».
XS
SM
MD
LG