Яны адмовіліся паказаць свае службовыя пасьведчаньні і запатрабавалі, каб Антон паведаміў ім усё, што яму вядома пра дзейнасьць «Маладога фронту». Хлопец адмовіўся размаўляць зь незнаёмымі людзьмі. Праз 15 хвілінаў яго нарэшце адпусьцілі. Антось паведаміў «Свабодзе», што супрацоўнікі КДБ пагражалі яму нэгатыўнымі наступствамі за адмову размаўляць зь імі ў кабінэце дэкана.
За дзень да гэтага, 19 траўня, Антося Назаранку аштрафавалі на 600 тысяч рублёў за распаўсюджваньне агітацыйных матэрыялаў «Маладога фронту».
