МЗС Украіны не выключае ратыфікацыі статуту СНД

МЗС Украіны не разглядае сёньня пытаньне пра ратыфікацыю Украінай статуту СНД, але не выключае такой магчымасьці ў будучыні. Пра гэта заявіў дырэктар дэпартамэнту інфармацыйнай палітыкі МЗС Украіны Алег Валошын. Ён сказаў, што Украіна можа плённа працаваць у СНД і ў цяперашнім статусе.

Украіна -- сузаснавальніца СНД, аднак статут арганізацыі яна не ратыфікавала, таму фармальна Украіна не з’яўляецца членам СНД.