Наступнае паседжаньне Эканамічнага суду на “нафтавым” пазове — 22 чэрвеня

Пра гэта паведамляецца на афіцыйным сайце суду sudsng.org.

Такое рашэньне было прынята ў сувязі з тым, што патрэбны час на ўдакладненьне патрабаваньняў ураду Беларусі, неабходнасьці атрыманьня дадатковых дакумэнтаў і матэрыялаў, разгляду хадайніцтва Міністэрства юстыцыі Беларусі аб адкліканьні расейскага генэральнага дарадцы і г. д.

Першае распарадчае паседжаньне па нафтавым пазове Беларусі да Расеі Эканамічны суд СНД правёў 21 красавіка, другое арганізацыйнае — 18-19 траўня. Наступнае прызначана на 22 чэрвеня.