Канцлер Нямеччыны Ангела Мэркель сёньня заявіла, што падзеньне эўра будзе азначаць канец Эўрапейскага Зьвязу. Выступаючы на цырымоніі ўганараваньня прэміяй польскага прэм’ера Доналда Туска ў Аахене, Мэркель адзначыла, што эўра знаходзіцца пад пагрозай у сувязі з засьцярогай, што фінансавы крызіс з Грэцыі перакінецца на астатнія 16 краінаў эўразоны. Польскі прэм’ер Туск назваў крызіс тэстам і адначасна магчымасьцю для ўмацаваньня і далейшага разьвіцьця Эўропы.