Лінкі ўнівэрсальнага доступу

logo-print

У Менск прыбываюць экспэрты Міжнароднага валютнага фонду на чале з кіраўніком місіі па Беларусі Крыстафэрам Джарвісам. Праца місіі будзе доўжыцца да 25-га траўня. Лукашэнка 4 траўня заяўляў, што Беларусь больш ня будзе пазычаць грошай у МВФ.

Афіцыйна праца пачнецца заўтра і завершыцца 25 траўня. Паведамляецца, што падчас перамоваў з прадстаўнікамі дзяржаўных органаў будуць закранутыя пытаньні сацыяльна-эканамічнага разьвіцьця краіны, грашова-крэдытнай і падатковай палітыкі. Гэтаксама будзе перагледжаны макраэканамічны прагноз для Беларусі, абмеркаваны рэжым валютнага курсу.

Раней беларускія ўлады заяўлялі пра магчымасьць абмеркаваньня новай крэдытнай праграмы. Аднак у інтэрвію агенцтву "Рэйтэр" 4 траўня Аляксандр Лукашэнка заявіў, што Беларусь ня будзе прасіць МВФ аб новых праграмах крэдытаваньня на тле ажыўленьня эканомікі, але разьлічвае на кансультацыі спэцыялістаў фонду па эканамічнай палітыцы.

Паказаць камэнтары

XS
SM
MD
LG