Міністры 16 краінаў эўразоны раіліся ўсю ноч, і толькі раніцаю сёньня рашэньне было прынятае. Стабілізацыйны пакет складаецца з 60 мільярдаў крэдытаў Эўракамісіі, 250 мільярдаў, якія дае Міжнародны валютны фонд, і 440 мільярдаў, якія забясьпечваюць урады краін Эўразьвязу.
Плян разьлічаны на 3 гады, ён прадугледжвае дапамогу найперш тым краінам, якія пакутуюць ад даўгавога крызісу – найперш Грэцыі, Гішпаніі, Італіі і Партугаліі. Грэцыі дастанецца 110 мільярдаў са стабілізацыйнага пакету, першую траншу Афіны атрымаюць ужо праз 9 дзён.
Эўракамісар у эканамічных і валютных пытаньнях Олі Рэн тлумачыць, што праблемы Грэцыі пагражаюць фінансавай стабільнасьці ўсёй эўразоны і ўсяго Эўразьвязу.
Канцлерка Нямеччыны Ангела Мэркель патлумачыла неабходнасьць рашэньня, прынятага сёньня раніцаю, такімі словамі:
“Гэты пакет павінен умацаваць і абараніць нашу агульную валюту. Гэта беспрэцэдэнтны выпадак у гісторыі эўра і Эўразьвязу, мы абараняем нашу валюту ў экстраардынарнай сытуацыі. А нашым грамадзянам я хацела б сказаць: мы абараняем грошы нямецкага народу”.
Аднак гарантыі і дапамога даюцца пад пэўныя абавязкі тых, каму яны выдзяляюцца. У мінулы чацьвер парлямэнт Грэцыі прагаласаваў за праграму радыкальных захадаў для скарачэньня бюджэтнага дэфіцыту краіны.
Гэтае рашэньне выклікала хвалю пратэстаў, на мінулым тыдні на заклік прафсаюзаў дзясяткі тысяч людзей узялі ўдзел у акцыях пратэсту, якія суправаджаліся падпаламі будынкаў і аўтамашын.
Біржа адрэагавала нават на пляны выдзяленьня велізарнага пакету дапамогі: у мінулую пятніцу эўра падаражэў на тры цэнты – з 1 даляра 27 цэнтаў да даляра 30 цэнтаў.
Ангела Мэркель правяла перамовы з прэзыдэнтам ЗША Баракам Абамам, які абяцаў падтрымку эўрапейскаму пляну фінансавай стабілізацыі. Фэдэральная рэзэрвовая сыстэма ЗША возьме ўдзел у рэалізацыі гэтай праграмы.
Але выглядае, што найперш ад здольнасьці грэцкіх уладаў выканаць прынятую праграму “зацягваньня паясоў” залежыць, ці атрымае краіна абяцаную дапамогу, а ўрэшце і фінансавая стабільнасьць Эўропы.
Плян разьлічаны на 3 гады, ён прадугледжвае дапамогу найперш тым краінам, якія пакутуюць ад даўгавога крызісу – найперш Грэцыі, Гішпаніі, Італіі і Партугаліі. Грэцыі дастанецца 110 мільярдаў са стабілізацыйнага пакету, першую траншу Афіны атрымаюць ужо праз 9 дзён.
Эўракамісар у эканамічных і валютных пытаньнях Олі Рэн тлумачыць, што праблемы Грэцыі пагражаюць фінансавай стабільнасьці ўсёй эўразоны і ўсяго Эўразьвязу.
Канцлерка Нямеччыны Ангела Мэркель патлумачыла неабходнасьць рашэньня, прынятага сёньня раніцаю, такімі словамі:
“Гэты пакет павінен умацаваць і абараніць нашу агульную валюту. Гэта беспрэцэдэнтны выпадак у гісторыі эўра і Эўразьвязу, мы абараняем нашу валюту ў экстраардынарнай сытуацыі. А нашым грамадзянам я хацела б сказаць: мы абараняем грошы нямецкага народу”.
Аднак гарантыі і дапамога даюцца пад пэўныя абавязкі тых, каму яны выдзяляюцца. У мінулы чацьвер парлямэнт Грэцыі прагаласаваў за праграму радыкальных захадаў для скарачэньня бюджэтнага дэфіцыту краіны.
Гэтае рашэньне выклікала хвалю пратэстаў, на мінулым тыдні на заклік прафсаюзаў дзясяткі тысяч людзей узялі ўдзел у акцыях пратэсту, якія суправаджаліся падпаламі будынкаў і аўтамашын.
Біржа адрэагавала нават на пляны выдзяленьня велізарнага пакету дапамогі: у мінулую пятніцу эўра падаражэў на тры цэнты – з 1 даляра 27 цэнтаў да даляра 30 цэнтаў.
Ангела Мэркель правяла перамовы з прэзыдэнтам ЗША Баракам Абамам, які абяцаў падтрымку эўрапейскаму пляну фінансавай стабілізацыі. Фэдэральная рэзэрвовая сыстэма ЗША возьме ўдзел у рэалізацыі гэтай праграмы.
Але выглядае, што найперш ад здольнасьці грэцкіх уладаў выканаць прынятую праграму “зацягваньня паясоў” залежыць, ці атрымае краіна абяцаную дапамогу, а ўрэшце і фінансавая стабільнасьць Эўропы.
