Мужчына, які тэлефанаваў Кузьняцову, назваўся намесьнікам раённага пракурора Аляксеем Лышчанковым. Ён папрасіў па тэлефоне адказаць, ці ведае актывіст, што знаходзіцца ў ініцыятыўнай групе БНФ, якая ініцыюе рэфэрэндум у сувязі з падвышэньнем аўтамабільнага мыта? І адкуль Кузьняцоў даведаўся пра такую ініцыятыву?
Паводле намесьніка пракурора, заданьне праверыць склад ініцыятыўнай групы нібыта зыходзіць ад Генэральнай пракуратуры.
“Я, канечне, пацьвердзіў сваю прыналежнасьць на ініцыятыўнай групы, – паведаміў спадар Кузьняцоў. – А зьвесткі пра ініцыятыву да мяне даходзілі з розных крыніцаў, у тым ліку праз Інтэрнэт”.
Напярэдадні пракуратура Савецкага раёну вылікала з такой жа нагоды актывістку руху “За свабоду “ Дарыю Сувораву.
