Лінкі ўнівэрсальнага доступу

logo-print

Міністэрства ўнутраных спраў Беларусі разглядае магчымасьць распрацоўкі заканадаўства аб геномнай рэгістрацыі насельніцтва.

Пра гэта паведамляе Інтэрфакс са спасылкай на начальніка Дзяржаўнага экспэртна-крыміналістычнага цэнтра МУС Беларусі Ўладзімера Аўсяньнікава.

"Пытаньне аб неабходнасьці распрацоўкі заканадаўства аб геномнай рэгістрацыі насельніцтва ўнесена ў Дзяржаўную праграму па барацьбе са злачыннасьцю", -- паведаміў Аўсяньнікаў.

Паводле яго словаў, "геномная рэгістрацыя насельніцтва прынятая ў шматлікіх краінах. Ва ўсім сьвеце ідуць па гэтым шляху". Пры гэтым было адзначана, што "менавіта геномная рэгістрацыя насельніцтва дапамагла ідэнтыфікаваць загіблых падчас магутнага цунамі ў Тайляндзе некалькі гадоў таму, таксама пры дапамозе ДНК-экспэртызы праводзілася ідэнтыфікацыя ахвяр авіякатастрофы пад Смаленскам.

Аўсяньнікаў адзначыў, што найбольш прымальным варыянтам для заканадаўства аб геномной экспэртызе можа стаць прыклад заканадаўства аб дактыляскапічнай рэгістрацыі насельніцтва, якое ўжо прынятае ў Беларусі".

У першую чаргу, геномная рэгістрацыя патрэбная для асоб, чые прафэсіі аднесены да групы рызыкі.

Паказаць камэнтары

XS
SM
MD
LG