Лінкі ўнівэрсальнага доступу

Бюджэт пражытковага мінімуму павялічаны да 266 тысяч


1 траўня вызначаны новы памер бюджэту пражытковага мінімуму (БПМ) — зараз ён складае 266 тысяч 230 рублёў у сярэднім на душу насельніцтва.

Бюджэт пражытковага мінімуму вырас на 4,3% у параўнаньні з тым, які дзейнічаў з 1 лютага па 30 красавіка (255 тысяч 220 рублёў).

Памеры БПМ на пэрыяд з 1 траўня па 31 ліпеня зацьверджаныя пастановай Савету міністраў № 651 ад 29 красавіка.

БПМ:
  • для працаздольнага насельніцтва складае 284 тысяч 860 рублёў,
  • для пэнсіянэраў — 238 тысяч 380 рублёў,
  • для дзяцей ад 16 гадоў і студэнтаў — 285 тысяч 500 рублёў,
  • для дзяцей ад 3 да 16 гадоў — 325 тысяч 980 рублёў,
  • для дзяцей да 3 гадоў — 237 тысяч 410 рублёў.

У структуры бюджэту пражытковага мінімуму ў сярэднім на душу насельніцтва ў цэнах сакавіка складаюць:

  • прадукты харчаваньня — 53,6%,
  • плата за карыстаньне жылым памяшканьнем і камунальныя паслугі — 16,4%;
  • вопратка — 17,2%,
  • побытавыя і транспартныя паслугі — 6,9%,
  • тавары побытавага і гаспадарчага прызначэньня — 3,3%,
  • прадметы першай неабходнасьці, санітарыі і лекі — 2,2%.

Пра гэта паведамляе БелаПАН са спасылкай на афіцыйны сайт Міністэрства працы і сацыяльнай абароны.

Бюджэт пражытковага мінімуму — гэта кошт мінімальнага набору матэрыяльных даброт і паслуг, неабходных для забесьпячэньня жыцьцядзейнасьці чалавека і захаваньня яго здароўя, а таксама абавязковыя плацяжы і ўнёскі.
XS
SM
MD
LG