У сеціве зьявілася відэа з лідэрам пакістанскіх талібаў Хакімулом Мэхсудам. Паводле амэрыканскай фірмы ІнтэлЦэнтар, якая адсочвае інфармацыйную дзейнасьць ваяўнікоў, запіс быў зроблены 4 красавіка. За некалькі месяцаў да гэтага паведамлялася, што Мэхсуд быў забіты ў выніку авіяўдару паветраных сілаў ЗША.
У відэазвароце Мэхсуд зьняпраўджвае паведамленьні аб сваёй сьмерці і пагражае новымі тэрактамі ў амэрыканскіх гарадох. Пра плянаваны выбух у Нью Ёрку, аднак, у гэтым звароце не згадваецца.